Aaj ke is social media ke jamane me hamari attention span kaafi kam hoti jaa rahi hai. Hum Reels aur Shorts par swipe karte hue har kuch seconds par dopamine rush le rahe hai, jisse hamari der tak focus rakhne ki capacity kam hoti jaa rahi hai. Aur iske opposite Podcasts jiska average length lagbhag 1 ghante ka hota hai ye bhi kaafi teji se grow kar raha hai. Ek taraf to wo log hain jinka attention span kaafi kam hai aur dusri taraf waise log bhi hain jinko podcasts dekhkar kuch sikhna hai aur apni zindgi ko aur bhi jyada behtar banana hai. Waise hi logon ke liye aaj ke is article ’14 Self Improvement Podcast Channels in Hindi’ me kuch bohot hi aache podcasting channels ke baare me baat karenge.
1. ANI Podcast
Is podcast ki host Smita Prakash bohot ji jaani-maani journalist hain jinko is field me decades ka experience hai to aap andaja laga hi sakte ho ki unke apne guests ke sath kitne meaningful conversations hote honge. Agar aapko politics aur geopolitics me interest hai to aapko inke podcast ke jariye bohot hi deep knowledge mil sakta hai.
2. Dostcast
Is podcast ke host Vinamre Kasanaa ekdum friendly way me guests se baat karte hain jis wajah se aap inse kaafi aache se relate kar paate ho. Inke channel par aapko har us topic par podcasts milegi jo ki youth ke liye important hai. Jaise- AI, politics, business etc.
3. Realtalk
Inke podcasts dekhkar lagega ki aap apne dosto ko baat karte hue dekh rahe ho. Is podcast par 3 hosts ek sath apne guests se baat karte hain. Ye trending, ghosts, famous personalities aur bhi kayi saare topics par podcasts banate hain.
4. Zeeshan Shaikh
Inke podcasts ka main focus business related content par hota hai. Zeeshan apne guests se ekdum sidha-sidha sawal puchte hain. Agar business aur money se related podcasts pasand hai to aapko inke podcasts jaroor sunne chahiye.
5. SR PAY
Agar aapko crime stories sunne me interest hai to aapko inko jaroor sunna chahiye. Ye apne channel par Aarushi Talwar, Burari deats jaisi topic par kaafi detail me baat karte hain.
6. Abhijit Chavda
Apne field par kaafi gehrai me jaankari rakhne wale Abhijit Chavda apne podcasts par kaafi alag alag fields ke guests lekar aate hain.
Aapko un podcasts ko jaroor sunna chahiye jin par Abhijit Chavda as a guest gaye ho.
7. Unfiltered by Samdish
Bohot hi majakiya tarike se apne guests se baat karne wale Samdish aapko knowledge dene ke sath entertain bhi karenge. Ye apne guests ke sath kuch jyada hi frank ho jaate hai chahe wo Chattisgarh ke CM Bhupesh Baghel hi kyu na ho. Is channel par aapko politics aur celebrities ke sath podcasts milenge.
8. Beerbiceps, Ranveer Allahbadia
Ranveer Allahbadia ye India ke sabse bade podcasters me se ek hain. Inke podcasts par aapko har field se jude guests milenge, jaise ki- business, political, geopolitical, archeological, journalism, Indian history, spiritual aur bhi bohot saari chijo par aapko inke podcasts milenge.
Inka ek dusra channel bhi hai Ranveer Allahbadia ke naam se jispar ye sirf Hindi me podcasts banate hain.
9. Defensive Offence
Is channel par aapko Pakistan related issues par jyada podcasts milenge. Agar aapko Pakistan aur politics par interest hai to ye channel aapke liye hi hai.
10. Psychology in Hindi
Ye podcast channel sirf unlogon ke liye hai jo khud ki kamiyo aur galtiyo ko maankar usko thek kar aage badhna chahte hain. Is channel par podcasts jyada der tak ke nahi hote lakin kam samay me ekdum satik baate aap jaan sakte ho.
11. Figuring Out with Raj Shamani
Forbes India 30 under 30, bade-bade companies me talks and speeches jaisi aur bhi kayi saari chije hai jo ki Raj Shamani ki credibility ko darshati hai. Apne podcast me inke baat karne ka style kaafi simple aur pointed hota hai. Inke podcast aapko business, rap, politics etc se related milenge.
Also Read – 11 Most Important Self Improvement Books in Hindi
12. A Digital Blogger
Ye podcast channel aapke stock market aur trading se related saare questions ko answer kar sakta hai. Agar aapko is field me interest hai to aap is channel ke podcasts ko jaroor dekhe.
13. Humans of Bombay
Apko agar famous celebrities aur business person wale podcast pasand hain to aapko inke podcasts jaroor dekhne chahiye. Humans of Bombay par Aakir Khan, Pankaj Tripathi, Anupam Mittal jaise guests ke podcasts milenge.
14. Awaara Musaafir
Is podcast channel ka main focus Hinduism se related hai. Agar aapko Hindu dharm se related podcasts pasand hai to aap iske podcasts ko jaroor dekh sakte ho.
Must Read – Top 13 YouTube Channels for Self-Improvement in Hindi
Final Words
To ye the kuch amazing Self improvement podcast channels jisko dekh kar aap apne knowledge ko badha sakte ho. Personally mujhe podcasts dekha kaafi pasand hai aur maine isse bohot saari nayi nayi chije sikhi bhi hai. Podcast ki sabse aachi chij mere khayal ye hoti hai ki wo interviews ki tarah bohot jyada formal aur scripted nahi hote isleye aapko Podcasts me aane wale guests ko aur unki baaton ko kaafi aache se samajh paate ho.
Is article ’14 Self Improvement Podcast Channels in Hindi’ ko apne friends ke sath jaroor share kare taki wo is article ko padh kar aapne self improvement me dhyaan de sake.