Movies

Jab films ki baat karte hai tab hamare dimag me entertainment related films hi aati hai, jinko dekh kar ham kuch sikhte nahi bas entertain hote hai. Lakin jinko apni zindagi me kuch bada karna hai wo movies ko sirf entertainment ke liye nahi, balki khud ko motivate aur kuch naya sikhane ke liye bhi dekhte hain. To aaiye jaante hain is article ‘16 Best Self-Improvement Movies to Watch in Hindime aisi movies ke baare me jise dekhkar aap khud ko motivate aur kuch naya sikha sakte ho.

Note – The list of films is arranged in random order. It does not mean that the film at number 1 is better than the film at number 16 and vice versa.

1. Iqbal – 2005

Ye film bohot jyada motivating hai. film me dikhaya gaya hai ki kaise ek deaf and mute (na bol aur sun paane wala) ladka saari pareshaniyo se ladkar khud ko Indian Cricket team ke liye tayyar karta hai.

Clip from Iqbal Film

2. Pursuit of Happiness – 2006

Ye film ekdum ‘Must watch’ hai. Is film me ek father ke struggle ko dikhaya gaya hai. Jo apni family ko aachi zindgi dena chahta hai lakin paise ki kami ke karan wo aisa nahi kar paata.

Is film ko dekhkar aap imotional ho jaoge aur khud ki zindgi ko lekar aapka najariya positively change ho jayega.

3. Guru – 2007

Dhirubhai Ambani par based ye film aapko dhandha karna aur is raaste par aane wali pareshaaniyo ko darshati hai. Agar aapko business me ruchi (interest) hai to ye film aapko kaafi jyada motivate karegi.

4. The Karate Kid – 2010

Ek ladka jo America se China jaata hai aur waha kuch ladko se bully hone ke karan khud ko Karate Fight ke liye taiyar karta hai taki wo is fighting match ko jeetkar khud ko saabit kar sake.

Is film se aap mehnat kar kuch bhi haasil karne ka mindset sikh sakte ho.

5. Bhaag Milkha Bhaag – 2013

Ye movie ‘The Flying Sikh’ ke naam se famous “Milkha Singh” ki biography hai. Kaise Milkha Singh apne kharab past ke bawajood apni mehnat aur lagan se ek legendary Olympic champion bante hai. Self development ke liye ye film aapko jaroor dekhni chahiye.

6. Marry Kom – 2014

Society ke bekar rules ko todkar aur kayi saari pareshaaniyo ko paar kar kaise Marry Kom ‘Female Boxing’ history me apna naam darj karwati hai, is film me bohot aache se dikhaya gaya hai.

7. The Martian – 2015

Kya ho agar aap Mars (mangal) par fas jaaye aur aapke pas bas kuch samay ka khana (food) ho?

Is film me ek insan khud ko Mars par NASA aur apni teammates ke rescue karne ke aane tak bacha kar rakhta hai.

Aap jaan kar hairan rehjoge ki wo apne spaceship par aalu (potato) bhi ugata hai.

8. Secret Superstar – 2017

Secret Superstar ek young ladki ki kahani hai jo ki apne father ke rok-tok ke bawajood talent ke karan apni identity ko chipa kar bhi viral ho jaati hai. Is film se aap social media ke power ko samajh sakte ho.

Also Read – 14 Self Improvement Podcast Channels in Hindi

9. Rocket Singh: Salesman of the Year – 2009

Self-Improvement Movies in Hindi ki is list me ye film kaafi aachi hai. Film corporate ke unethical practices (anaiteek aacharan) se pareshan hokar ek young ladke ki business shuru karne ki kahani hai. Aur wo is business ko imandaari (honesty) aur apne customers ka khayal rakh kar chalata hai.

10. English Vinglish – 2012

Ye film ek middle women ki kahani hai jinko english naa aane ke karan apni family me tana aur bhed-bhaw ka saamna karna padta hai.

Phir wo english sikhti hai taki unko apne family se respect mil sake aur is journey me unko khud ke taqat ka ehsas hota hai.

11. Taare Zameen Par – 2007

Ye film ek Dyslexic boy ‘Ishaan’ par based hai, jisko padhne likhne me kaafi jyada dikkat hoti hai. Aur is chij ko uske parents samajh nahi paate.

Phir ek understanding teacher Ishaan ke artistic talent ko pehchankar usko is chej me kaafi support karte hai.

Clip from Taare Zameen Par

12. Forrest Gump – 1994

Ye film Forrest Gump naam ke charector ki masoomiyat aur saaf dil ko darshata hai.

Ye film aapko dusro ke sath aacha vyawhar (behave) karne aur dusro ki feelings ka khayal rakhna sikhati hai.

Must Read – 11 Most Important Self Improvement Books in Hindi

13. The Founder – 2016

Ye biographical film ek struggling salesman ‘Ray Kroc‘ par based hai. Jinhone McDonald brothers ke fast-food restaurant ko global fast-food chain McDonald’s me badal diya.

Is film me aap dekh sakte ho ki kaise ek salesman apne lagatar mehnat ke karan duniya ki sabse badi fast-food restaurant chains me se ek McDonald’s bana deta hai.

14. ‘Rocky’ film series

Agar aap athlete ho aur apne game me kuch bada karna chahte ho ya apne life goals par mehnat karna chahte ho to ye film aapko bohot jyada motivate karegi. Is film se aap hustling mentality sikh sakte ho.

Ye film series Hollywood ki sabse iconic film series me se ek hai.

15. Swades – 2004

Ye film ek successful NASA scientist par based hai. Jo apne desh wapas aakar yaha ke development ke liye kuch karna chahta hai.

Ye kahaani ek deshbhakt insan ki hai jo apne desh me positive changes laana chahta hai.

16. The Social Network – 2010

Self-Improvement Movies in Hindi ki ye last film aapko kaafi pasand aayegi.

Hum sabhi Facebook, Instagram aur WhatsApp ko lagbhag daily use karte hai aur ye film inhi companies ke owner Mark Zuckerberg par Facebook ke shuruwaati dino me lagaye gaye kayi aaropo (allegations) ko darshati hai.

Is film me legal battles aur friendship me darar jaisi chijo ko dekh sakte hai.

Last Words

Ye thi Bollywood aur Hollywood ki kuch amazing films jinko dekhkar aap kaafi jyada motivated feel karoge aur kuch naya sikhoge.

Ye films aapke self development journey par bohot jyada positive impact daalegi, aapko naya najariya (perspective) milega jisse aapka hustling aur positive mindset build hoga. Self improvement wali in movies ki list agar aapko pasand aayi ho to is article ’16 Best Self-Improvement Movies to Watch in Hindi’ ko apne friends ke sath jaroor share kare.