titanic

Titanic ek aisi ship jisko unsinkable (jo dub nahi sakti) kaha jaata tha. Lakin ye apne pehle hi safar me dub gayi. Titanic aapne dubne ke 113 saalo (years) baad phir se charcha me aa gayi hai. Kyuki ‘OceanGate’ naam ki company jo ki Titanic ke malbe (wreckage) ko mahasagar (ocean) ke andar dikhane ka kaam karti thi, uska bhi accident ho gaya hai. To aaiye padhte hain ‘All You Need To Know About Titanic in Hindi’.

Facts about Titanic

  • Is ship ka pura naam ‘RMS (Royal Mail Ship) Titanic’ tha.
  • Titanic ko ‘Harland & Wolff’ naam ki company ne banaya tha.
  • Titanic- 269 metres (long), 28.2 metres (wide), 53.3 metres (height).
  • Is ship ko banane ka kharch (cost) $7.5 million (₹ 61.5 crore) aaya tha aur ye cost 1912 ke samay ka hai. Agar is paise ko aaj ke hisab se dekhe to ye cost $235 million (₹ 2172 crores) hoti hai.
  • Titanic Southampton, England se New York City, US ke safar par 10 April, 1912 ko nikli thi aur 15, April, 1912 ko Atlantic Ocean me dub gayi.
  • Is ship ke dubne ke 73 saalo (years) baad iska malba (wreckage) mila.

via GIPHY

  • RMS Titanic jab apne pehle aur aakhiri safar par nikli us waqt is ship par total 2224-2240 log the. Jinme se 1500 se bhi jyada logo ne apni jaan gawa di.
  • Ye ship aapne samay ke hisab se bohot hi jyada advance thi. Titanic me Turkish bath, Gym, Steam room, Cool room, Massage Room aur Hot room jaise kayi advance (atyadhunik) chije thi.

Radio Operator ‘Jack Phillips’

jack phillips
credit- Titanic | National Archives

Aisa nahi tha ki is ship ko pata nahi chala ki us raaste par bohot se barf (iceberg) hain. Titanic ke aas-pass se gujarne wali ships ne kayi baar is chij ki jaankari di thi. Lakin Titanic ke Radio Operator ‘Jack Phillips’ ne is jamkari ko note down (likhna) kiya, lakin unhone is ship ke kisi bhi officer ko dikhaya nahi. Kyuki wo passengers ke personal messages bhejne me busy the.

Californian ship

californian ship
credit- Wikipedia
  • 10:55 pm, 14 April. ‘Californian’ naam ki ship ne Titanic ko iceberg (barf ke pahad) ki jaankari di. Lakin ye message emergency code ke sath nahi tha (emergency code wale message ka matlab hota hai ki ye message ship ke Captain tak pahuchana jaroori hai. Jis wajah se radio operator ‘Jack Phillips’ ne is message ki Captain ya kisi Officer ko nahi bataya.
  • Is iceberg ke khatre ko Californian ship ne itna serious liya ki us ship ne raat-bhar rukne ka faisla kiya aur aapne ship ke radio ko off kar diya. Ye ship Titanic se sirf kuch KM hi dur thi lakin radio off hone ke karan accident hone ke baad Titanic se aa rahe kisi bhi message ko nahi sun payi.

Iceberg

iceberg
credit- iStock

11:40 pm, 14 April. Ship ke saamne najar rakhne wale ‘Fredrick Fleet’ aur ‘Reginald Lee’ ne bade se iceberg ko dekha. Is jankari ke milte hi officer ‘William Murdoch’ ne ship ko left turn karne aur engine ko ulta chalane ka order diya. Lakin tab-tak kafi der ho chuki thi.

Captain Edward Smith

captain edward smith
credit- Encyclopedia Britannica

12:20 am, 15 April. Captain ‘Edward Smith’ ne radio operator ‘Jack Phillips’ ko order diya ki Titanic ke accident ki jankari aas-pass ke ships ko bheje. Is radio message ko ‘Carpathia’ naam ki ship ne suna aur Titanic ke logon ki madad ke liye aane lagi. Lakin wo Titanic se 107 KM dur thi aur pahuchne me 3 ghante (hours) se bhi jyada samay lagne wala tha. Californian ship najdik hote hue bhi help ke liye nahi aa sakti thi kyuki unka radio off hone ke karan unhe pata hi nahi chala.

Must Read – Horrifying and Scary Titanic Wreckage Photos

Lifeboats

lifeboat
credit- Wikipedia
  • Titanic se passengers ko lifeboats ke jariye bahar nikala jaa rata tha aur females and children ko pehle le jaya jaa raha tha.
  • Titanic ko banane wale iske na dubne ko lekar itne confident the ki unhone is ship me jaroorat jitna lifeboats bhi nahi rakha. Is ship me total 20 boats the, jo sirf 1,178 passengers ko le jaa sakte the.
  • Lifeboat number 7, jo sabse pehle passengers ko lekar Titanic se nikla, us boat me sirf 27 log gaye the. Jabki uski capacity 65 logon ki thi. Kam logo ke jaane ka reason bhi over-confidence hi tha. Logon ko tabbhi lag raha tha ki Titanic to ab bhi nahi dubegi.

Top Learnings from Think and Grow Rich in Hindi

Logon ki Ghabrahat

1:00 am, Titanic ke sabse niche wale floor pe paani bharne laga jisko dekhkar log bohot ghabrane lage aur boat ke liye dhakka-mukki karne lage. Is dhakka-mukki ko rokne ke liye officer ‘Harold Lowe’ ko 3 baar gun fire karna pada.

Titanic Ke Dubne Ka Aakhiri Samay

  • 2:00 am, Samne ke decks me paani bharne ke karan Titanic piche se uthne lagi aur uske propellers dikhne lage.
drawning titanic
credit- MedpageToday
  • 2:18 am, Titanic ki lights bhi kharab ho gayi. Aur iske turant baad ye 2 parts me tut gaya. Phir iske kuch minutes baad aakhirkar ‘RMS Titanic’ Atlantic Ocean me dub gayi.
titanic split in two pieces
credit- National Geographic

Rescue

  • The Carpathia titanic ke dubne ke lagbhag 1 ghante (1 hour) baad pahuchi aur kayi logon ko bachaya.
  • Californian ship ne subah jab aapna radio on kiya tab unhe is accident ke baare me pata chala. Phir jab Titanic ke pass gaye tab sirf waha frozen bodies (jami hue shareer) tair rahi thi.

Isko jaroor dekhe – Horrifying and Scary Titanic Wreckage Photos


To ye thi Titanic se judi kuch jaroori baate. Agar aapko ye article ‘All You Need To Know About Titanic in Hindi’ pasand aaya ho to ise apne Family aur Friends ke sath jaroor share kare.