500 rupee note

Hey Doston, Aajkal agar aap apne aas-paas dekhoge to aapko kai aise log mil jayenge jo apne thode se paise bachane ke liye koi jaruri chij ko kharidte waqt uski quality se compromise kar lenge. Jaise- Charger – Earphones, Toothbrush, Helmet jaisi chijen ya phir apne swad ke chakkar me bahar se kuch bhi kharid kar kha lenge. Ho sakta hai unko turant use faisle se koi bhi dikkat na ho lekin aage chalkar ve log us chij ke karan apne zindagi ko chote-bade had tak nuksan pahuchate hain. To aaiye jaante hain aise hi kuch chijon ke baare mein jin per hamen paise bachane ke bare me nahi sochna chahiye. Aur agar aapko ye artical pasand aaye to aap apne doston aur parivar ke logon se ise jarur share karen, Taki wo bhi isko padhakar khud ko aisa karne se rok sake.

Giving Back

Aajkal ke Fast Lifestyle ke karan ham 2 min ruk kar dusron ke bare mein sochana to jaise bhul hi gaye hain. Ham apni zindagi mein aise kho se gaye hain jaise- Hamari zindagi me ham aur hamare parivar aur kuch doston ke siva koi aur hai hi nahi, Hame khane me ekadam tasty-tasty khana to chahiye lekin ham Dogs (Gali ke kutton) ko do roti shayad hi kabhi dete hain, Hame khud ke liye Shopping (kharidari) karne mein to bahut maza aata hai lekin jaruratmand ko ₹10 dene me ham aana-kaani karne lagte hain. Puchiye khud se ki aapne aakhri bar kab kisi ki madad ki thi? Agar yaad aaye to khud ki peeth jarur Thap-Thapaye. Aur nahin to aaj se hi dusron ki madad karne ki shuruaat kare.

Good Quality and Healthy Food

healthy fruits and vegetables
Credit – scripps.org

Ham aksar thode paise bachane ke liye ya swad ke liye aache Restaurants ko chhod kar kahin bahar ka kha lete hain, Jo ki bahut jyada hanikarak ho sakta hai hamare Health ke liye. Kuch log paise ke karan nahi balki Aapne Swad ke karan bhi bahar ka khate hain aur kabhi-kabhi is chij me koi burai nahi hai. Lekin jab aise bahar ka khana regular hone lage to isse hamare Swasthya (Health) par kafi bura asar pad sakta hai. Jaise-

Weight Gain

Agar aap aapne Weight ko lekar, ya phir aap apne health ko lekar jagruk (Conscious) hain to aapko bahar ki chijon ko kam-se-kam khana chahiye. Aur isse aapko Diabetes aur Heart related bimariyan bhi ho sakti hain.

Low Energy levels. Bad Moods

Han. Bahar ka jyada khane se aapke mood par bhi asar padta hai aur Science ke mutabik lagatar bahar ka Unhealthy Food khane se- Anxiety, Depression aur chijon ko bhulne ki aadat bhi lag sakti hai.

Relationships

happy indian family
credit – pexels.com/Anoop VS

Ye baat bilkul sach hai ki aaj ke jamane me kisi ke pass bhi bahut jyada time nahi hota. Aur Is vajah se ham apne Relationship ko utne acche se sambhal nahi paate. Aur yahan pe main sirf Girlfriend –  Boyfriend wale relationship ki baat nahi kar raha hun. Main un sare Rishton ki baat kar raha hun jo ki aapke liye jaruri hai, Jaise- Maa-Papa, Bhai-Behen, Kuch Dost, Girlfriend – Boyfriend. Yakin maniye aapke ek chote se gift se ye kafi jyada khush ho jaenge aur aap bhi in logon ko ye baat bata payenge ki aap inse kitna pyaar karte ho. Main ye nahi keh raha hun ki aap Gifts doge tabhi pata chalega ki aap inse pyaar karte ho, main bus itna keh raha hun ki aapke Pyaar ko un tak pahunchane ka Gift ek chota sa madhyam ho sakta hai.

Don’t Save Money On Mental Health

Mental Health ye do shabd aaj ke din me un sabse mushkil chijo me se ek hai jiska dhyaan rakha ja sakta hai aur main yaha dusro ke Mental Health ke dhyaan rakhne ki baat nahi kar raha hun, khud ke Mental Health ka dhyaan rakhna bhi kaafi mushkil hai aaj ke samay me. Aur hum ise aur mushkil tab bana dete hain jab isko swasth (healthy) rakhne ke liye bhi kanjoosi karne lagte hain. Agar aapke Mental Health ko sahi rakhne ke liye Books padhna sahi lagta hai to, books kharidiye. Films dekhna pasand hai to, jaiye aur tickets kharidiye. Ghumna-firna pasand hai to ek chote se holiday (chutti) par nikal jaiye. Agar main aapko kam shabdo me batau to aap har us chej pe aapne budget ke mutabik kharch kigiye jisse aapko khushi milti ho. Ye kharch karke aap khud ka aur bhi jyada aachi tarah se khayal rakh sakenge. Aaiye jaante hain aur kin tariko se aap aapne Mental Health ka khayal rakh sakte hain.

a girl doing yoga
credit – pexels.com/aymyogaschool

Exercise

Ye un sabse aache tariko me se hai jisse aap aapne Mental Health kadhyaan rakh sakte hain.

Yoga aur Dhyaan karna (Meditation)

In do chejo se aap aapne Stress aur Anxiety ko niyantran (control) me rakh sakte hain.

Aapne Karibi Logo Se Baat Karna

Hamare zindgi me koi-na-koi aisa jaroor hota hai jisse ham aapne dil ki saari baate kar sakte hain aur ye bhi khud ko mentally swasth (healthy) rakhne ka bohot aacha tarika hai. Aapko koshish karni chahiye ki aap kisi se aapne dil ki saari baate kar sake laken wo insan bharose layak ho, jo ki aapki baaton ko khud tak hi rakhe. Ya aap Counseling ki madad bhi le sakte hain.

Sona (Sleep)

Khud ko Mentally Healthy rakhna hai to gehri neend me 6-8 ghante sona hai.

Khud Ke Liye Samay Nikale

Hafte me kam-se-kam ek baar wo chije kare jo aapko khush karti ho aur ye chiye har insan ke liye aalag alag ho sakti hain. Jaise – Bike riding me kahi dur jaana, Khana-pakana, Film dekhna, Books padhna, Cricket khelna (Amazing Facts About Gujarat Titans), Doston ke sath bahar jaana aur aise bohot si cheje hain jo aap khud ko khush karne ke liye hafte me kam-se-kam ek baar kar sakte hain, aur jaroor kare.

Positive Rehna (Sakaratmak)

Ham aksar khud ko Negative (Nakaratmak) tarike se dekhte hain (khud ki kami ko dekh kar udas hona) ya negative watawaran me rehte hain, jis wajah se hamari soch bhi prabhawit hoti hai aur jis karan ham khud me bura feel karne lagte hain. Negativity hamare aas-pass bohot hai. Ho sakta hai hamare kuch dost aksar negative baat hi karte ho, ya hamare sath office me kaam karne waale log. Hame aise logo se khud ko dur rakhna chahiye.

Healthy Eating

Healthy Eating hamare Mental Health se juda hota hai, aap jaisa khayenge aap waisa hi mehsus karenge. Healthy aur Clean Diet lenge to khud me aacha feel hoga isleye koshish kare tel-masala wali cheje kam khaye.

Personal Development (Khud Ko Aur Behtar Banana)

Khud me aur apne aas-paas ke logon ko dekhiye. Aakhri bar aapne kab khud ko aage badhane ya kuch naya sikhane par kharch kiya tha? Ya aap aise kitne logon ko jante ho jo Personal Development me kharch karte hain? Aur main yahan hamare School-College ki kitabon (Books) ya uski fees ke bare me baat nahi kar raha hun. Ye chij to hamari basic Education ke liye hai. Main yaha baat kar raha hun khud ko kuch naya sikhane wali chijon ke bare mein, jisse aap bheed se alag dikh paye, Jo aapke Jivan me aapko aage badhane me kafi madad karegi. Dekhiye padhaai -likhai to sab karte hain (Aur karni bhi chahiye) lekin aapke pass aisi kaun si chij hai jo aapko baki logon se alag banati hai? Kya aapke pass koi aisi Skill (Kaushal) hai jo aapko baki logon se alag banati ho? Jaise- Communication Skill (baat karne ki kala), Kisi khas field me bakiyon se jyada jankari? Ye to bus 2 udaharan (Example) hai. Aur bhi aisi bohot si chijen hain jinme aap khud ko master bana sakte hain.

Personality Development ka matlab ye nahi hai ki aapko dher saare paise kharch karne ki jarurat hai. Aisi dheron Apps, Website aur YouTube Videos hain jinse aap free me ya kuch paise dekar bahut aachi quality wala Gyan prapt kar sakte ho. Han lekin aapko ye sab sikhne ke liye khud ko time dena hoga. To aaiye jante hain kuch aise tarike jinse aap khud ka Personality Development kar sakte ho.

Books

Ye ek bahut aacha tarika hai Gyan paane ka. Aap Personality Development se related Books ke roj (Daily) 10 pages padhne se shuruaat kar sakte ho. In Books ki kimat bhi jyada nahi hoti aur is tarah ki Books ko aap Hindi me kharidkar bhi padh sakte ho.

KUKU FM

10000+ Books ko aap Audio ke form me sun sakte ho aur agar aapke pass samay ki kami rehti hai to ye App ka use aapko karna hi chahiye. Iske saal bhar ke Subscription ka kharch ₹899 aata hai lekin agar aap is Coupon Code FEXKJ3864 ya ia Link (Affiliate) per click karke Subscription lete ho to aapko saal bhar ke price sirf ₹399 padega. Ye do sabse aasan tariko me se hai jisse aap “Sikhane Ke Tarike” ki shuruwat kar sakte ho.

Agar aap bilkul bhi paise nahi kharchna chahte to YouTube sabse aacha madhyam hai free mein sikhne ka aur YouTube par Podcast bahut aacha jariya hota hai ‘Personality Development’ ki chijo ko detail me janne ka.

Personality Development ek aisi prakriya hai jo hamesha chalti rahti hai. Aapko hamesha khud ko aage badhane ki ichcha honi chahie, khud ko kuch sikhate rehne ke lalak (Craving) honi chahiye.

Health and Well Being (Haal-Chaal)

Kisi mahan insan ne kaha hai- “Swasthya (Health) sahi hai to sab sahi hai” aur ekadam sahi kaha hai. Ye baat aaj ke samay me aur bhi jyada satik (Accurate) baithata hai. Jahan log apne Health ko kam serious lete hain, Jab tak ki wo sachmuch Serious na ho jaaye. Wo apne kaam me itna vyast (Busy) ho jaate hain ki khud ke khane ka thikana bhi nahi rehta. Bhai ruko, Thoda baitho aur khud ke Health per dhyan do. Us per kharch karo, Protein se bharpur khane per kharch karo. Fruits, Juice in chijon per kharch karo. Saal me kam-se-kam 2 baar Full Body Checkup karvao.

Aksar Jab Ham bimar padte hain to ghar wale hame apne nuskhe (Home Remedy) se theek karne ki koshish karte hain, ya ghar me padi Dawai [(Medicine) (jo pata nahin kab se padi hai)] ko dete hain jo ki hanikarak ho sakti hai.

Cosmetics

Cosmetics Billion $Dollars ki Industry hai aur ye Companies har wo chij karti hai jisse aap inke products kharido. Inhe ye matlab nahi ki aapki skin kis prakar (Type) ki hai. Agar aapko gora hona hai to ise laga lo, Agar Pimples hatana hai to ise laga lo aur pata nahin kin-kin tariko se aapko apne products Sell karne ki koshish karte hain aur ham aankh band karke koi bhi sasta-sa Product khareed lete hain. Phir bad me hamare Skin per reaction hone lagta hai.

Isliye jab bhi ham skin se related koi bhi Cosmetic Product kharide tab hame apne Skin ke bare mein acche se jankari jutane ke baad hi “Cosmetic Products” kharidne chahie, wo bhi Aache aur Branded.

Toothbrush

toothbrushes
credit – unsplash.com/@lagermannen

Bahut se logon ko lagega ki Toothbrush ke bare mein itna sochana jaruri nahi hai. Aur main aise bahut se logon ko jaanta hun jo apne ‘Oral Health’ (Muh Ke Swasthya) ke bare me jyada dhyan nahi rakhte, Aur main bhi pahle is bare mein jyada nahin sochta tha. Lekin jab se maine iski jarurat ko samjha hai tab se main aapne Oral Health per kharch karne se nahi katrata, khaskar Toothbrush per.  Aksar maine apni Family me dekha hai ki wo log apne Oral Health per dhyan nahi dete. Aur khaskar Toothbrush lete waqt, wo koi bhi sasta sa Toothbrush khareed lenge jisse unke Masude (Gums) bhi ghis jaate hain. Aur-to-aur wo us Toothbrush ko saal bhar se jyada chala lenge, Jo ki bilkul galat hai. Hame har 3-4 mahino me apne Toothbrush ko change karna chahiye.

Agar kam shabdon me kahun to hame ek Branded aur aachi Quality wala Toothbrush lena chahiye. Jisse ham apne Oral Health ka dhyan rakh sake. Aur Oral Health hamare Personality se bhi sidha juda hai.

Helmet

Kayi baar maine road par logon ko Unbranded aur kam Quality wala helmet pehne dekha hai. Waise log aksar Helmet sirf isleye pehente hain taki Police ke chalan (Penalty) se bach jaye, jo ki bohot galat baat aur aapne suraksha ke sath khelwad karna bhi hai. Bhagwan na kare kabhi aisa ho jaha pe aap durghatna (accident) ka shikar ho jaye tab aapki suraksha karne wala bas ek chej ‘Helmet’ hi hota hai. Isliye jab bhi aap kisi aapne ko kam Quality wale helmet me dekhe to ek baar unhe jarur toke aur aap khud bhi aapne liye ek Branded aur aachi Quality wala Helmet hi kharide.

Maine kayi aise ‘Mahan Insano’ ko bhi dekha hai, jinke pass Helmet to hai aur aachi Quality wala bhi hai. Laken wo usko aapne sar par pehenne ki jagah aapne ‘Kohni’ (Elbow) per tang lenge. Jaise – Accident hone par, kahi “Kohni” (Elbow) ko kuch na ho jaaye.

man riding on bike with helmet on his elbow
credit – indiatoday.in

Agar aapko “Saste Helmets Ki Asliyat” janni hai to is Experiment ko dekhe, jo ki hindi me hai.

Chargers and Earphones

Aaj har kisi ke pass Smartphone hai to sabhi ko ise Charge karne ki bhi jaroorat padti hai. Us Smartphone ke sath aane wale charger (Ab to bahut se Companies sath me charger bhi nahi dete) ke kharab ho jaane ke baad hum Market se koi bhi sasta charger utha laate hain. Jisse us waqt to hamare thode paise bach jaate hain magar waise charger hamare smartphone ko dheere-dheere nuksan pahuchate hain aur phone ke Battery fatne ka dar bhi hota hai. Isliye hame koshish karni chahiye ki Charger ya Cable lete waqt Branded aur Aachi Quality wali chije hi le.

Aisa same Effect Earphones ke sath bhi hota hai bas antar itna sa hai ki isme Smartphone ki jagah Kaan (Ears) dheere-dheere kharab hote hain. Aap aachi aur kharab Quality wale Earphones me antar bas 2 min sunkar hi kar sakte ho. Aur ye bohot jaruri hai ki aap Earphones lete waqt kam-se-kam 500-600 jarur kharch kare. Kyuki ye baat sidhe aapki kaan (ears) se jude hue hai.

Aakhri Ke Shabd

Baat bahut simple si hai pyare – Jab baat hamare Health, Suraksha (Security) ya Aapno ki aaye tab hame paise bachane ke bare me bahut jyada ahi sochna chahiye. Aur mere khyal se aapko apne Mental Health aur Personality Development per khas dhyan dena chahiye.

Agar aapko ye Artical se kuch naya sikhne ko mila ho to please ise apni Family ke sath jarur share kare.