Self-development (aatm vikas) saari zindagi chalne wala process hai. Aapko apni zindagi me kuch bada aur successful banne ke liye khud ko bhi us layak banana hoga. Self improvement ki journey kayi logo ko bohot mushkil lagta hai, lakin kya ye sach me itna mushkil hai? Jawab hai- bilkul nahi. Khud ke self-growth par kaam karne ke liye aapko apni zindagi me bas kuch-kuch positive (sakaratmak) changes laane hote hai, aapko entertainment ki chijo ko thoda kam karna hota hai, negative chijo aur logon se dur rehna hota hai. Aur aaj ke is article ‘Self-Development in Hindi: 11 Ideas To Boost Personal Growth‘ me hum aise hi chijo ko jaanenge jo hamare self-development ke liye jaroori hai.
1. Reading Habits
Aap lagbhag saare successful logon ko dekho chahe wo kisi bhi field ke ho, un sabme aapko ek baat same milegi ki wo khud ke knowledge ko badhate rehne ke liye books aur articles padha karte hai. Isiliye hame jis bhi chij me interest ho us chij se related books aur articles padhne chahiye.
2. Appreciate Challenges
Kayi log aksar apni zindagi me aane waali pareshaniyo ko kosne lagte hai ki aisa unke sath hi kyu hota hai. Lakin successful log challenges ko sikhne ka awsar (opportunity) maante hai. Wo in mushkil chijo se sikh kar khud ko aur behtar banate hai.
Mushkil waqt me khud ko is tarah positive rakh paana sach me thoda kathin (hard) ho sakta hai lakin aap apne najariye ko thoda positive rakhkar aisa kar sakte ho.
3. Listen Audiobooks and Podcasts
Kayi baar aisa hota hai ki log cooking, saaf-safai karte waqt ya sone se pehle gaana sunte hai. Agar aap is waqt ko gaana sunne ki jagah audiobooks ya podcasts sunne me laga de to aap soch bhi nahi sakte kitna kuch naya sikh sakte ho. Aapke interest se related audiobooks aur podcasts sikhne ke sabse aache aur aasan tariko me se ek hai.
YouTube par kayi aise free me videos hai jinse aap apna Self-Development ‘Hindi’ bhasha me kar sakte ho.
4. Practice Mindfulness
Aksar aisa hota hai ki hum kisi se baat karte waqt ya kisi jagah present hokar ke present nahi hote. Hamara dhyaan kahi kisi aur jagah hota hai aur yahi pe mindfulness ka concept aata hai jiska matlab hai present moment me rehna.
Benefits of Mindfulness
- Aap kisi se baar karte waqt unki saari baaton aur emotions ko samajh sakte ho.
- Apni aas-pass ki environment ko observe kar kuch nayi chije sikh sakte ho.
- Aap dusre logon se interactions (milna-julna) ko observe kar ye sikh sakte ho ki aapko kaisa behave karna hai aur kaisa nahi.
- Aap mindfulness ke karan podcasts ya audiobooks sunte aur books padhte waqt un chijo ko kaafi aache se samajh sakte ho.
Aur bhi kayi saare fayde hain mindfulness ke.
5. Set Goals and Plan Things
Bohot se logon ko apne jaroori kaam ko taalne ki aadat hoti hai. Is chij se bachne ka sabse aacha tarika hai ki aap goals set karo aur un goals ko achieve (prapt) karne ke liye planning karo.
Jaise – Ek 100 pages ki book hai.
- Goal- ye book 5 dino me padhkar khatam karna hai.
- Planning- iske liye har din 20 pages padhne hai.
6. Exercise
Physical health hamare mental health se juda hota hai isliye exercise (kasrat) hamare jivan ka daily part hona chahiye. Aap isko try kiye bina iske fayde khud me nahi jaan sakte.
Aap gym membership lelo to wo bohot jyada aacha hai. Lakin agar kisi reason se aap gym na jaa pao to iski jagah har roj subah-subah kam-se-kam 20 minutes ka morning walk kar sakte ho.
Personally mujhe gym karne se bohot se fayde hue hain. Jaise- confidence aur body badhi hai, anxiety aur depression kam hui hai.
7. Practice Gratitude
Gratitude (kritagyata) ka matalab hota hai aapke zindagi me jo bhi choti-badi chije ya relationships hai un chijo ka aabhar vyakt karna ya khush hona.
Aapko choti-choti chijo ka aabhar prakat karna hai. Chahe wo phone hi kyu na ho jis par aap ye article padh rahe ho. Aapko apne family ya love relationship par khush aur aisa feel karna chahiye ki aap kitne lucky ho in chijo aur logon ko paakar.
Ye chij aapko positive thinker banne me kafi jyada madad karengi aur aap apni chijo aur relationships ki value aur aache se kar paoge.
8. Watch Podcasts
Bohot se logon ko books aur articles padhna boring lag sakta hai lakin podcasts kafi interesting hote hai.
Hamme se bohot se logon ko khana khate waqt apne phone par kuch entertaining videos dekhne ki aadat hoti hai. Hame is aadat ko change kar entertaining videos ki jagah podcasts dekhne par karna chahiye. Jisse hum us samay ka use kuch naya janne aur sikhne me kar sakenge.
Agar aapko India ke best podcasting YouTube channels ke baare me jaanna hai to aap is article ‘14 Self Improvement Podcast Channels in Hindi‘ ko padh sakte ho.
9. Use Less Social Media
Self-Development in Hindi ke number 9 pe hai Social Media.
Aaj ke samay me mental peace kharab karne ka sabse short aur simple tarika hai- bas 10 minute Instagram, Facebook ya koi bhi social media kholkar scroll kar lo. Aapko kuch-na-kuch negative chije mil hi jayengi jisse aapka mood kharab ho jayega.
Ye dikkat tab aur bhi jyada badi ban jaati hai jab logon ko pata bhi nahi chalta ki social media unko kis tarah dheere-dheere sadness aur anxiety ki taraf le jaa rahi hai.
Personally isse bachne ke liye maine Instagram par 2 accounts bana rakhe hain.
- 1. Jab bhi zindagi bohot aachi chal rahi hoti hai aur mood kharab karna hota hai uske liye main account.
- 2. Aur 2nd account wo hai jisme sirf waise accounts followed hai jo sirf positive posts karte hai. Aur is account ke posts dekhkar kaafi jyada motivated aur positive feel hota hai.
Aap aaj ke samay me social media se bach to nahi sakte lakin iska positive use jaroor kar sakte ho.
10. Self-care
Self-care ka matalab sirf khud ko bahar se sundar banana nahi hai. Self-development aur self-care dono ek dusre se kaafi judi hui chije hai.
Asli self-care ka matalab hota hai ki aap khud ki andar se kitni care karte ho aur iska andaja is baat se lagaya jaa sakta hai ki aap khud ke self-growth par kitna kaam kar rahe ho, healthy khana kha rahe ho ya nahi, khud ko fit rakhne ke liye kuch karte ho ya nahi, negetive chijo aur logon se dur rehte ho ya nahi, khud ki learnings par focus kar rahe ho ya nahi.
In short, aapko self-care aur self-development in 2 chijo ko bulb aur current ki tarah samajhna chahiye, dono ke ek sath na hone par prakash (light) nahi ho sakti.
11. Self-Development in Hindi ‘Be Kind’
Last but not least ‘Kindness’. Khushi aur positivity se zindagi jeene ke liye ye sabse jaroori chijo me se ek hai. Aap hamesha dusro ke sath vinamrata se behave kare. Ye itna important chij hai ki is par ek pura article likha jaa sakta hai.
Ek bohot aacha quote hai- aap dusro ke sath bilkul waisa vyawhar kare jaisa aap khud ke sath chahte ho. Kindness hamari self-development aur positivity se kaafi had tak judi hui hai.
Aap is mushkil bhari zindagi me kisi ki muskurahat ka karan bano.
Must Read – 11 Most Important Self Improvement Books in Hindi
FAQs
‘Good Vibes, Good Life’, Think Like A Monk, Atomic Habits, Build Don’t Talk, Life’s Amazing Secrets.
Ranveer Allahbadia, Raj Shamani, ANI Podcasts.
Conclusion
Self-development ya self-improvement hamari zindagi ka ek hissa hona chahiye. Aisa nahi sochna chahiye ki ek age (umra) ke baad sikhne ki jaroorat nahi hoti. Sikhte rehne ki lalak hame zindagi bhar bana kar rakhni chahiye.
Is article ‘Self-Development in Hindi: 11 Ideas To Boost Personal Growth’ me jo bhi saari chije batai gayi hai un saari chijo ki mai bhi apni zindagi me apply karta hu. Isliye mai surety se keh sakta hu ki ye saari chije aapki zindagi ko behtar aur successful banane ke liye jaroori hai.