Kai bar aisa hota hai na ki hame apne Phone se Computer ya Computer se Phone me file Share karna hota hai, ya hamare Phone ke Speakers me pani ya dust jaane ke karan awaaz aane me dikkat hoti hai, ya hamare ghar per maujud chijon se koi Recipe banani hoti hai lekin hame pata nahi hota ki isse kya ban sakta hai. To aaiye jante hai 10 Amazing aur Useful Tools ya Websites ke bare me jo aapki jindagi ko aur bhi aasan aur majedar bana denge.
Fixmyspeakers.com
Hamare Phone se jude sabse badi chintao me se ek ye hota hai ki hamara Phone kahi pani me gir kar gila na ho jaaye. Well ab aapko darne ki jyada jarurat nahi hai, ‘fixmyspeakers.com’ per jaane per aap 1 click se apni Phone, Laptop, Tablet Etc ke Speakers se pani nikal sakte ho. fixmyspeakers.com ek aisi frequency per awaaz create karta hai jo Speaker me maujud pani ko bahar nikal deti hai.
10minutemail.net
Bahut bar ham apni real E-mail address kai jagah (Apps, Website) nahi dena chahte. Iske piche ka Reason kuch bhi ho sakta hai- Hacking ka dar, Privacy related ya aur bhi aise kai Reasons ho sakte hain jiske karan aap apne Personal E-mail Adress nahi dena chahte honge. Us jagah aap use kar sakte hain ’10minutesmail.net’. Is Website per aapko Temporary E-mail Address milenge aur is E-mail Address ko aap us jagah use kar sakte ho jahan aap apna Personal E-mail Address nahi use karna chahte.
Snapdrop.net
Snapdrop.net aapke bahut kam aa sakta hai. Is Website se aap kuch bhi File badi teji se ek-se-dusre Device me bhej sakte ho wo bhi bina kisi Cable ke.
- Iske liye aapko same Wi-Fi Network se dono Devices ko Connect karna hai.
- Fir Laptop per ‘snapdrop.net’ Website khol lena hai.
- Phone me Snapdrop Website ya App khol le.
- Aapko jis Device se bhejna hai us Device se Show hone wale Icon per click karen. Phir File, Photo, Video kuch bhi Share kare.
ChatGPT (Generative Pretrained Transformer)
Ye Website gyan ka bhandar hai. Is Website per aap command dekar kuch bhi karva sakte ho jaise ki Coding, Homework me help, Kisi bhi chij ke bare me jankari lena Etc. Is AI (Artificial Intelligence) ki madad se aap khud ko bahut jyada smart bana sakte ho.
Top 13 YouTube Channels for Self-Improvement in Hindi
Rave.dj
Is Music Website per aap YouTube ya Spotify per maujud koi bhi 2 Gaano (Songs) ko milakar Mashup bana sakte ho.
Supercook.com
Agar aapko Cooking ka shauk hai to ye Website bilkul aapke liye hi hai. Supercook.com per aap apne ghar per maujud chijon se Recipe bana sakte ho. Is Website ki sabse acchi baat ye hai ki isme aapko Choose kiye gaye chijon se hi Recipe taiyar karne ka tarika batati hai. Is Artical ko apni Maa ke sath jarur share karen.
Virustotal.com
Is Website ki madad se aap kisi bhi File ya URL me maujud Virus ka pata laga sakte ho. Ye Website Antivirus sources jaise- Avast, Kaspersky aur bhi bahut sari jagahon se aapke file ko Scan karke batata hai ki wo file safe hai ya nahi.
Surprising Facts About New Parliament House in Hindi
Boredhumans.com
Agar aapko Entertainment ke sath-sath AI ke bare me janna hai ki wo kya-kya kar sakta hai, To aapko ek bar is Website ko jarur use karna chahiye. Is Website pe aap Celebrities ke bich mein Rap Battle karva sakte ho, Quotes Generate kar sakte ho, Gaane ke Lyrics Generate kar sakte ho aur bhi aise dheron chijen hain jo aap iske sath kar sakte ho.
en.akinator.com
Ye Website sirf Entertainment ke liye hai. Is Website per aapko kisi Indian ya Videshi Celebrity ke bare me kuch Question ko Answer karna hai aur fir yah Website aapko bataega ki aap kiske bare me soch rahe the.
Similarsites.com
Is per aapko aapke man pasandida Websites ke Alternative (vikalp) mil jaenge.
To ye to kuch Amazing aur Useful Websites. Please is Article ko apne dosto ke sath jarur Share kare.